Пишува: Никола Ѓуровски
Горан Пандев е тука, здрав, максимално подготвен и екстремно мотивиран за успех против Косово. Репрезентативците го одржаа првиот тренинг на комплексот на ФФМ. Селекторот имаше на располагање 15 фудбалери, останатите ќе стигнат до вечерва, а треба да ги минат и процедурите со тестирање за Covid-19.
Најважно е што сите се здрави и подготвени за мегдан на историскиот меч против Косово на 8 октомври во Скопје. Последен вечерва треба да допатува Енис Барди кој со Леванте викендов играше против Реал Мадрид.
