Фудбалската репрезентација на Македонија е пред нов предизвик, во четвртиот меч од Лигата на нации утревечер (20.45 часот) ја пречекува Грузија. Целта е прво место во групата од Лигата Ц, а истиот противник избраниците на Игор Ангеловски го имаат и во финалето на плејофот за пласман на Европското првенство. Тој меч ќе се игра во Тбилиси на 12.ноември.
„Грузија е квалитетна селекција, игравме со нив 1-1 во Тбилиси, а не очекуваат уште две важни пресметки, за првото место во групата, но и потоа за директен пласман на Европското првенство. Подготвени сме, атмосферата е одлична и покрај некои промени во селекцијата и се надеваме на триумф, и сега, а и следниот месец во дуелот за пласман на ЕП. Мое е да се обидам да го извлечам максимумот од фудбалерите на секој меч, така ќе биде и овојпат против Грузијците. Добро ги знаеме квалитетите на Грузија и ќе сториме се за да оствариме успех“, изјави Игор Ангеловски на денешната прес – конференција, во пресрет на утрешниот меч.
