Фреди Бобич доби отказ од функцијата спортски директор на Херта Берлин, соопшти германскиот клуб. Херта го загуби градското дерби од Унион Берлин со 2-0 и се наоѓа на претпоследното место на табелата во Бундес – лигата.
51-годишниот поранешен германски репрезентативец беше назначен во клубот во 2021 година, откако ја напушти истата функција во Ајнтрахт Франкфурт.
Се очекуваше дека тренерот Сандро Шварц ќе добие отказ по натпреварот, но во оваа фаза само спортскиот директор Бобич ја плати цената за слабите настапи на Херта.
