Македонскиот репрезентативец Бојан Миовски има одлична сезона во дресот на Абердин во првенството на Шкотска, а тоа го забележаа дури и најголемите европски клубови. Покрај понуди од два англиски премиерлигаши, чии имиња засега не се откриени во јавноста, интерес за Бојан Миовски има и од калчолигашот Лацио.
Како што тврди „Калчомеркато“, Лацио е подготвен да плати 2,5 милиони евра и да го доведе македонскиот напаѓач во Рим по завршувањето на оваа сезона. Спортскиот директор Игли Таре е задолжен за реализација на овој трансфер и веќе ги отпочнал преговорите.
