Челси излезе во преден план пред Арсенал во трката за фудбалерот на Шахтјор Доњецк, Михаило Мудрик. Спортскиот директор на Шахтјор, Дарио Срна, присуствуваше на вчерашниот натпревар помеѓу Челси и Манчестер Сити, информираа медиумите на Островот.
Мудрик веќе подолго време се поврзува со Арсенал. „Топчиите“ беа во многу напредни преговори, но клубот од Украина одби неколку понуди за нивниот талент и двете страни никогаш не успеаја да се договорат.
Тогаш интересот на Челзи дојде до израз и ситуацијата драстично се промени. Се верува дека Украинците инсистираат на зделка вредна околу 100 милиони евра, но бараат минимум 55 милиони да бидат платени веднаш.
