Голманот на Јувентус, Војчех Шчешни, се повреди на пријателскиот меч со Стандард Лиеж (1-1). Голманот беше заменет на полувремето со Матијас Перин откако се пожали на болки во вратот.
32-годишниот чувар ќе биде подложен на дополнителни тестови за да се утврди дали проблемот е сериозен и дали ќе може да настапи на првиот натпревар од новата година против Кремонезе на 4 јануари.
„Неговиот врат се вкочи непосредно пред голот. Тоа не би требало да биде голем проблем, но доколку не може да игра, Перин е подготвен да го замени“, изјави Алегри.
