Аргентина е светски првак, откако во неверојатно финале, по изведување пенали, ја совлада Франција со 4-2 на пенали, откако по 120 минути игра беше 3-3. Кингсли Коман и Аурелиен Чуамени не реализираа пенал за Франција, а Емилијано Мартинез го одбрани шутот на Коман.
Меси, Дибала, Паредес и Монтиел беа успешни реализатори на ударите од белата точка.
Неверојатното финале почна со доминација на Аргентина. Лео Меси во 23.минута од пенал донесе водство за Аргентина, а Ди Марија зголеми на 2-0 во 36.минута.
Но, потоа Килијан Мбапе стапи на сцена. Во 80.минута реализираше пенал, а една минута подоцна постигна уште еден прекрасен гол и израмни на 2-2. Мечот отиде во продолженија.
Во 109.минута, Лео Меси постигна гол за 3-2, а во 118.минута Килијан Мбапе од пенал израмни на 3-3.
Потоа сѐ се решаваше на пенали, а Аргентинците славеа и Лионел Меси дојде до трофејот што му недостигаше во кариерата.
