Реал Мадрид победи во трката за ангажмнан на младиот бразилски напаѓач Ендрик.
„ЕСПН“ потврди дека се е готово и дека младиот напаѓач на Палмеирас ќе се пресели во Реал Мадрид за 60 милиони евра и дополнителни 12 преку одредени бонуси.
Извесно е дека Ендрик ќе остане во Палмеирас до 2024 година, а во Мадрид ќе се пресели дури кога ќе наполни 18 години.
Ендрик е најталентираниот Бразилец, има само 16 години, но со месеци е цел на европските гиганти. Тој игра како централен напаѓач, а веќе настапува за првиот тим на Палмеирас. Оваа сезона постигна девет гола и забележа една асистенција и покажа дека веќе е на пат кон ѕвездите.
