Јапонците нокаутирани на пенали, Хрватска го слави голманот Ливаковиќ (ВИДЕО)

Фудбалската репрезентација на Хрватска се пласира во четвртфиналето на Светското првенство по подобро изведување пенали на дуелот со Јапонија. Голманот Доминик Ливаковиќ одбрани дури три пенали, а Хрватска триумфираше со 3-1, откако во регуларниот тек мечот заврши 1-1.

Ливаковиќ ги скроти ударите на Минамино, Митома и Јошида, а само Асано успеа да го совлада.

За Хрватска прецизни беа Влашиќ, Брозовиќ и Пашалиќ, а само Ливаја не успеа и го погоди дирекот.

Во првото полувреме, Јапонците поведоа со голот на Даизен Маеда во 43.минута, а израмни Иван Перишиќ во 55.минута од натпреварот.