Голманот на Аргентина, Емилијано Мартинез го коментираше успехот од 2-1 над Австралија, со кој „гаучосите“ се пласираа во четвртфиналето на СП 2022. Тој ја истакна и огромната улога на Лионел Меси во победите на тимот.
„Лео е 99% од нашиот тим. Ние сме останатите кои треба да му помогнеме кога работите не функционираат. Тој е нашиот лидер“, изјави Мартинез.
„Чекор по чекор одиме напред. Ги имаме едни од најдобрите фудбалери во светот и ќе се бориме до крај за нашата цел. Холандија е противник од многу висока класа, но и со почит ќе се однесуваат кон нас. Не беше лесно и против Австралија, на крајот од никаде постигнаа гол и ги направија нервозни последните минути“, додаде чуварот на мрежата на „гаучосите“.
