Јапонија ја победи Шпанија со 2-1 и како првопласирана во групата Е ќе вкрсти против Хрватска во осминафиналето. Германија и покрај победата од 2-4 против Костарика ќе мора да си оди дома.
Шпанија очигледно го избра Мароко. Мората го отвори резултатот во 11.минута, но Јапонија во вториот дел постигна два гола за триумф. Доан во 48.минута израмни, а Танака три минути подоцна направи целосен пресврт.
Германците ја победија Костарика со 4-2, но двете селекции си заминуваат дома. Каи Хаверц беше двоен стрелец, а Гнабри и Фулкруг постигнаа по еден погодок во пировата победа. Германија испадна поради послаба гол-разлика од Шпанија.
