Германскиот напаѓач Лирој Сане може да го пропушти и вториот натпревар од групната фаза на Светското првенство во фудбал во 2022 година против Шпанија, пренесуваат германските медиуми. Крилниот напаѓач се уште не учествува на тренинзите со тимот и се подготвува индивидуално поради повреда на коленото.
Селектрот Ханси Дитер Флик, изрази надеж дека Сане ќе има време да се опорави за важниот натпревар со „црвената фурија“. Поради повредата, фудбалерот го пропушти првиот натпревар на Германците на Светското првенство што изненадувачки го загубија со 1-2 против Јапонија.
Средбата со Шпанија на 27 ноември од 20 часот е клучна за четирикратниот светски првак Германија, бидејќи уште еден пораз може да ја исфрли репрезентацијата од трката уште во групната фаза.
