Аргентинскиот фудбалер Самуел Реболјо (20) си го одзеде животот. Немилиот настан се случил откако младиот човек дознал дека неговиот тим Алдосиви повеќе не смета на него и не сака да му го продолжи договорот.
„Од клубот Атлетико Алдосиви, длабоко жалиме за смртта на Самуел Реболјо, играч кој минатата година беше дел од нашиот клуб. Челниците, тренерите, колегите и пријателите се збогуваат со него, се сеќаваат на него како одлична личност, која секогаш му била посветена на клубот и упатуваат сочувство до неговото семејство и најблиските“, објавија од аргентинскиот нисколигаш.
Реболјо пред да дојде во Алдосиви играше за Централ Север, Атлетико Тукуман, Ланус и за Платенсе.
