Капитенот Џордан Хендерсон ќе се врати во тимот на Ливерпул за нивниот дуел од Премиер лигата против Тотенхем, објави менаџерот Јирген Клоп.
Играчот од средниот ред го пропушти дуелот со Наполи поради повреда. Сепак, Џејмс Милнер нема да му биде на располагање на Клоп поради потрес на мозокот.
„Хендо може да игра. Тренираше вчера заедно со другите и се чувствува добро. Неговата повреда не беше сериозна, но имаше болки и затоа не играше на последниот натпревар”, рече Клоп.
„Милнер има различни фази на испитување за потресот на мозокот и тоа ќе го остави надвор од тимот. Тој е добро, но ќе продолжи со целосните тренинзи на почетокот на следната недела“, дополни менаџерот на Ливерпул.
Мечот меѓу Ливерпул и Тотенхем е закажан за в недела во Лондон.
