Ливерпул во 98.минута од дуелот успеа да стигне до победа од 2-1 против Њукасл откако во режија на Хичкок новото засилување Фабио Карвалјо погоди по 13.корнер за „црвените“. Му олесна на Јирген Клоп со оглед дека неговиот тим нема посакуван старт на сезоната.
Александер Исак имаше фантастично деби во дресот на Њукасл откако го надмудри Алисон Бекер во 38.минута.
Роберто Фирмино успеа да израмни на 1-1 во 61.минута, а Ливерпул во финишот како да го врати победничкиот дух од минатата сезона. Напаѓаа со сите сили и на крајот Карвалјо успеа да го совлада Ник Поуп.
Вест Хем и Тотенхем ремизираа 1-1. Тило Керер си постигна автогол за предност за Тотенхем, а во вториот дел израмни Томаш Соучек.
