Македонскиот репрезентативец Дарко Велковски прави трансфер во Саудиска Арабија. Тој ќе биде нов член на Ал Етифак. Откако му заврши договорот со хрватскиот прволигаш Ријека, дефанзивецот одлучи да ја прифати богатата понуда на Ал Етифак.
Клубот потврди дека е постигнат договор за сезоната 2022/23, Дарко Велковски да го носи дресот на Ал Етифак. Тој ќе му се придружи во Саудиска Арабија на Александар Трајковски, а минатата сезона таму настапуваше и Езгјан Алиоски, кој сега се врати во Европа и потпиша за Фенербахче.
