Данскиот интернационалец Кристијан Ериксен официјално е нов фудбалер на Манчестер Јунајтед. Тој потпиша тригодишен договор со „црвените ѓаволи“, а доаѓа како слободен агент од Брентфорд.
Ериксен по немилата случка на ЕВРО 2020, кога преживеа срцев удар на мечот против Финска, се врати во Премиер – лигата и одигра во голем стил во дресот на Брентфорд. Сега е време повторно да заигра во голем клуб.
„Манчестер Јунајтед е посебен клуб и едвај чекам да почнам да играм во неговиот дрес. Сум имал привилегија да играм на „Олд Трафорд“, но сега ќе биде поинаку затоа што ќе бидам во црвениот дрес“, изјави Ериксен.
