Пол Погба и официјално се врати во Јувентус по шестгодишна пауза во која Французинот настапуваше за Манчестер Јунајтед. „Црвените ѓаволи“ го купија за 100 милиони евра, но тој никогаш не ја оправда огромната сума што англискиот клуб ја вложи во него.
29-годишниот играч за врска со „бјанконерите“ потпиша договор на четири сезони, а ќе зараборува 8 милиони евра годишно, плус бонуси. Тој ќе го носи дресот со број „10“.
Претходниот престој на Французинот во Јуве беше исклучително успешен. Во четири сезони, од 2012 до 2016 година, Погба освои четири шампионски титули по ред.
