Бернардо Силва, ѕвездата на Манчестер Сити, има голема желба да заигра за Барселона. Овој трансфер можеби ќе биде и најспектакуларниот на „Камп Ноу“ ова лето, заедно со најавеното доаѓање на Роберт Левандовски од Баерн Минхен.
Финансиската состојба на каталонскиот клуб е далеку од поволна, но претседателот Хоан Лапорта очигледно има план од неколку чекори.
Прво треба да го продаде Френки де Јонг, а потоа да го убеди Манчестер Сити да се согласи на отштета помала од 100 милиони евра, која би ја платиле во текот на три наредни сезони.
