Грнчаров ги построи вардарци: Најтрофејниот клуб почна со подготовки за враќање во елитата (ФОТО)

Најтрофејниот македонски фудбалски клуб Вардар денеска ги почна подготовките. Тренерот Бобан Грнчаров има на располагање неколку засилувања, но и млади сили кои ќе добијат шанса да се наметнат во следниот период.

Мисијата е јасна, Вардар да се врати во Првата лига. Вардарци до заминувањето на подготовки во Охрид ќе тренираат двапати дневно, а првиот пријателски натпревар е закажан на 16 јули против Локомотива.