Најтрофејниот македонски фудбалски клуб Вардар објави дека ќе ги почне подготовките за новата сезона в среда, на 6 јули, со почеток во 17.30 часот, на стадионот „Борис Трајковски“.
Тимот што ќе го предводи Бобан Грнчаров ќе остане во Скопје се до заминувањето во Охрид на 26 јули. На охридското крајбрежје ќе биде на подготовки до 5 август.
Во склоп на подготовките закажани се пет пријателски натпревари, а дополнително ќе биде познат ривалот за 17 јули. Потоа ќе следуваат дуели со ФК Скопје (23 јули), ФК Охрид (27 јули), Пелистер (31 јули) и Егнатија – Албанија (5 август).
