Раководството на Манчестер Јунајтед заедно со менаџерот Ерик тен Хаг летово се обидува да го задржи Кристијано Роналдо во тимот. Неколку пати од крајот на сезоната се шпекулираше за заминување на Роналдо, а немаше оптимизам за новиот проект кој беше осмислен на „Олд Трафорд“.
Првично се пишуваше дека може да оди во Баерн Минхен, а вчера од Островот пристигна информација дека првиот човек на Челси, Тед Боли закажал средба со неговиот агент Жорге Мендеш. Во моментов Јунајтед преку медиумите го искажа својот став, потенцирајќи дека се уште сереозно смета на Кристијано Роналдо чиј договор е со важност до следното лето.
Но, Јунајтед засега не му дава големи гаранции на Португалецот. Освен што следната сезона ќе игра во Лига Европа, што би било случај, доколку остане, за Кристијано Роналдо ќе биде прва сезона да не игра во Лигата на шампионите од 2002/2003 година, кога беше дел од натпреварот Спортинг и Партизан во Купот на УЕФА на 17 години.
Од тимот си заминаа шест играчи, од кои повеќето имаа свој голем придонес како во сегашниот така и во претходниот, а тоа се: Пол Погба, Немања Матиќ, Џеси Лингард, Ли Грант, Единсон Кавани и Хуан Мата.
Френки де Јонг треба да пристигне многу брзо, но за да им парираат на Ливерпул и на Манчестер Сити, кои промовираат исклучителни имиња, ќе треба да потрошат и да работат многу повеќе. Сериозно се засилуваат и Тотенхем и Арсенал, додека Челси само ги префрли коцките кај новото раководство и се очекуваат нивните постапки на пазарот.
Да се убеди Кристијано Роналдо да остане дефинитивно нема да биде лесна работа, особено имајќи предвид дека не недостигаат понуди за Португалецот. Затоа, на нешто повеќе од еден месец до почетокот на сезоната, или е време клубот да се активира во создавање на поконкурентен ростер, или нивната „седумка“ ќе врши се поголем притисок.
