Манчестер Сити и Ливерпул влегоа во сериозна трка за Калвин Филипс. Англиските медиуми пренесуваат дека Ливерпул ја изедначил понудата на Сити од 50 милиони фунти фиксни и дополнителни 10 милиони преку одредени бонуси.
Англичанецот долго време е на цена, но сега дополнително е во орбитата бидејќи го бркаат двете најдобри екипи во Премиер – лигата.
Филипс е дете на Лидс, има 26 години и е вистинско време за поголем предизвик во кариерата, а кој е поголем – Ливерпул или Сити?
Пеп Гвардиола ќе остане без Фернандињо, а можеби и без Гундоган, додека на Клоп му треба еден играч од средниот ред, откако го пропушти Чуамени.
