Пред неколку месеци тренерот Чави му кажа на Жоан Лапорта дека Жул Кунде е неговата најголема желба за засилување на одбраната. Иако Барселона има финансиски проблеми, а Челси цело време беше блиску до потписот на Кунде, ситуацијата се промени.
Кунде ја поставил Барса како свој приоритет и ќе направи се за да му помогне на клубот да дојде до неговиот потпис. Севилја е подготвена да преговара поради желбата на фудбалерот да си замине, а не е тајна дека Каталонците и Андалузијците веќе подолго време се во добри односи.
Претседателот Лапорта лично ги води преговорите, со кои сака да им даде до знаење и на Кунде и на Севилја колку е одлучна Барса да го доведе по секоја цена, што нема да биде лесно.
Отштетната клаузула на Кунде изнесува дури 90 милиони евра, на тоа инсистираше Севилја минатото лето, бидејќи и Кунде не брзаше. Сега ситуацијата е поинаква, Чави го гледа Кунде како идеален стоперски партнер со Араухо, додека во ротацијата би биле Ерик Гарсија, Андреас Кристенсен и Жерар Пике.
Барселона би можела да го добие Кунде за 65 милиони евра, а Севилја е подготвена да тргува, со вистински играчи. Првиот е Сержињо Дест, а вториот Франциско Тринкао кој се врати од позајмица кај „волците“.
