Еден од најдобрите напаѓачи во прволигашкото друштво изминатава сезона, Емран Рамадани сосема извесно својата кариера ќе ја продолжи во редовите на новиот прволигаш Струга Трум Лум.
Иако неофицијално, офанзивецот на Ренова следната сезона ќе ја мине во Струга откако се договорил за едногодишна соработка со раководството на новиот прволигаш.
Стружани доминантно стигнаа до првата позиција во Втората лига – Запад која им обезбеди прволигашки статус, па сега амбициозна се во очекување на дебитантската сезона во Првата лига со најава за сериозно засилување на играчкиот кадар.
