Лидерот Силекс оствари убедлива победа (5-0) над Кадино во Втората лига Запад. Тони Мичковски и Мартин Димоски донесоа два гола предност по првиот дел, а во второто полувреме погодија Андреј Петкоски и Кристијан Додевски кој беше двен стрелец.
Бобан Грнчаров тргна со убедлива победа (4-0) над Тетекс. Ненад Мишковски погоди против својот некогашен тим, а Ерен Парталко зголеми на 2-0. Филип Петковски беше двоен стрелец на овој дуел.
Гостивар покажа дека е тврд орев и ремизираше без голови против Воска Спорт.
Кораби ја совлада Велешта со 3-1. Фатјон Леши реализира пенал за предност, а потоа погодија и Бљерон Муча и Ујкан Муча. Гостите постигнаа гол преку Диели Каба.
Беса со голот на Малиќ Белули славеше против Охрид со 1-0.
