Фудбалската репрезентација на Македонија пристигна во Скопје од историското патување во Палермо. Со скалпот на европскиот првак Италија, селекторот Благоја Милевски и фудбалерите веднаш ќе се упатат на плоштадот Македонија каде во 18.30 часот е закажан пречек од македонските фанови.
Националниот тим веќе во недела оди на следното патување, во Порто каде ги очекува последниот предизвик, дуелот со Португалија за пласман на мундијалот во Катар.
