Италијанската фудбалска федерација (ФИГЦ) потврди дека двајца членови на стручниот штаб на селекторот Роберто Манчини имаат позитивни тестови на Ковид-19 и се префрлени во изолација, а во италијанските медиуми се појавија гласини и дека петмина фудбалери имаат позитивни тестови пред дуелот со Македонија.
Федерацијата засега даде потврда за два позитивни тестови, а утре ќе има нови „таргетирани“ тестови за сите фудбалери кои играат во клубови каде што имало позитивни тестови на коронавирус.
Се работи за Интер, каде Лаутаро Мартинез и Матијас Весино се позитивни на коронаворусот и се повлекоа од настапите на своите репрезентации. Мануел Локатели од Јувентус веќе беше позитивен минатата недела, а „сомнителни“ се Барела, Бастони…
