Најдобриот стрелец во есенскиот дел од шампионатот во Првата лига, Мартин Мирчевски, кариерата ја продолжи во српскиот прволигаш Бачка Топола, а и таму потсетува дека има одличен инстинкт за постигнување голови. Тој успеа да му донесе бод на својот тим на гостувањето кај Чукарички (1-1).
Мартин Мирчевски влезе како џокер од клупата и успеа да погоди во судиското продолжение. Шкулетиќ не реализираше пенал во 94.минута, но Мартин Мирчевски добро ја следеше акцијата и успеа да ја погоди мрежата на домаќинот од одбиената топка.
