Френк Кеси и Пауло Дибала се уште не ги продолжиле договорите со Милан, односно Јувентус. Како што сега стојат работите, веројатно нема да го сторат тоа, а најголемата корист би можел да ја има менаџерот на Тотенхем, Антонио Конте.
Искусниот италијански стручњак бара од Фабио Паратичи, директорот на лондонскиот клуб, да ги донесе двајцата во Тотенхем.
Англискиот клуб на тој начин би донел слободни агенти, но исклучително квалитетни фудбалери, со кои следната сезона Тотенхем би можел да конкурира и во трката за шампионската титула.
Уште еден играч на кој му истекува договорот е цел на Конте, а тоа е Џеси Лингард од Манчестер Јунајтед.
