Среќен финиш за Шкендија на градското дерби со Ренова (видео)

Среќата беше клучен фактор на тетовското дерби меѓу Ренова и Шкендија, на кое „црвено-црните“ по голема битка славеа со 0-2.

Резултатот гласеше 0-0 се до 86. минута, кога еден очајнички обид на капитенот Алими закачи еден противнички фудбалер и заврши во мрежата на Ренова. Домаќините беа во шок, се обидоа да возвратат, но тоталната офанзива беше казнета со голот од пенал на Бесарт Ибраими, откако Фелипе беше фаулиран по еден беспрекорно организиран контранапад на „црвено-црните“ од Тетово.