Интер се пласира во полуфиналето на Купот на Италија откако на „Џузепе Меаца“ ја совлада Рома со 2-0. Фановите го пречекаа Жозе Мурињо со овации, се уште ги паметат добрите времиња кога тој со „нероаѕурите“ освои тројна круна, а во тој негов состав играше и Горан Пандев.
Сепак, тимот на Симоне Инзаги не и „прости“ на Рома. Победи и се пласира во следната рунда од Купот.
Един Џеко ја затресе мрежата на поранешниот тим уште во втората минута откако со волеј удар ја зафати топката по центаршутот на Иван Перишиќ од леата страна. Во вториот дел, Алексис Санчез зголеми на 2-0 во 68.минута и го заври триумфот на Интер.
