Реал Мадрид по десет последовни победи во сите конкуренции, синоќа не успеа да слави против аутсајдерот Кадиз. „Кралевите“ имаа доминација, но не успеаја да го пронајдат патот до мрежата на ривалот.
Тренерот Карло Анчелоти нема што да им замери на фудбалери, вели дека дадоа се од себе за победа.
„Дадовме се од првата минута до крајот. Овој пат не успеа, но немам за што да ги прекорувам моите играчи. Некои натпревари се вакви. Ги заслуживме сите три бода, но понекогаш не заслужуваш да победиш, а ќе ги освои бодовите. Кадиз заслужи бод со желбата и посветеноста, но затоа што ние не бевме ефикасни. Мораме да продолжиме да работиме, долго е првенството“, изјави Анчелоти.
