На првиот денешен натпревар од 18. коло на италијанската Серија А немаше победник откако Фиорентина и Сасуоло ремизираа (2-2) на „Артемио Франки“.
Гостите во првото полувреме имаа два гола предност. Иако Фиорентина имаше поголем посед на топка и создаде повеќе шанси, Сасуоло со головите на Скамака во 32. минута и на Фратеси пет минути подоцна, поведе со 0-2.
Влаховиќ во 51. минута ја врати „виола“ во игра. За српскиот напаѓач ова беше 33. гол во Серија А оваа година, со што се израмни со Кристијано Роналдо и Омар Сивори, додека само Гунар Норда (36) и Феличе Борел (41) постигнале повеќе голови во Серија А во една календарска година.
Десет минути подоцна Лукас Тореира го донесе израмнувањето, но Фиорентина остана со играч помалку во 68. минута кога Кристијано Бираги доби втор жолт картон, па до крајот не успеа да направи комплетен пресврт.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski