Македонскиот репрезентативец Тихомир Костадинов го напушта словачкиот Ружомберок и се сели во Полска. Тој на почетокот на зимскиот преоден рок треба да потпише двегодишен договор со полскиот прволигаш Пјаст Гливице.
Костадинов во последниот период се наметна како стандарден член на националниот тим. Последните четири сезони го носеше дресот на Ружомберок, а претходно беше и во Злате Моравче и во Бањска Бистрица.
Кариерата ја стартуваше во младинскиот состав на Тетекс, а потоа замина во српскиот Моравац.
