Агентот на Ерлинг Халанд, контроверзниот Мино Раиола објави дека Манчестер Сити, Барселона, Реал Мадрид и Баерн Минхен се во конкуренција за доведување на неверојатниот Норвежанец.
„Тој наскоро ќе го направи следниот чекор во кариерата. Баерн, Реал, Барселона и Манчестер Сити се меѓу клубовите каде што може да оди“, изјави Раиола.
Сепак, Баерн Минхен наводно не е премногу заинтересиран за Халанд бидејќи комплетниот трансфер на 21-годишниот напаѓач ќе чини околу 300 милиони евра.
Германскиот весник „Билд“ наведува дека приоритет на баварскиот гигант е продолжување на соработката со Роберт Левандовски и ќе направат се за да го задржат Полјакот на „Алијанц арена“.
Првиот човек на клубот Оливер Кан претпочита нов договор за Лева отколку евентуално доведување на Халанд и наводно нема намера да се вклучи во борбата за Норвежанецот.
Менаџерот на Манчестер Сити, Пеп Гвардиола не сакаше да зборува за доаѓањето на норвешкиот напаѓач.
“Халанд? Следно прашање. Не ме прашувајте такви работи бидејќи нема да ви ги одговорам”, изјави кусо Пеп Гвардиола.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski