Каталонскиот гигант Барселона е заинтересирана да го ангажира талентот на Динамо Москва, Арсен Захарјан. Крилниот напаѓач е на чекор до „Камп Ноу“ откако скаутите на Барса му го препорачале на Чави Хернандез.
18-годишниот руски крилен напаѓач покажа неверојатен талент оваа сезона, а Чави сака да реагира многу побрзо од останатите европски клубови и да го доведе во Барселона.
„Во моментов тој е среќен во Динамо и сака да биде тука, но секако дека заинтересираноста на Барселона ја потврдува неговата вредност. Тој има актуелен договор и ние нема лесно да се откажеме од него“, изјави генералниот директор на рускиот клуб, Павел Пивоваров.
