Ливерпул оствари убедлива победа (4-0) над Саутемптон на „Енфилд Роуд и се доближи на само еден бод негатива до лидерот Челси на врвот на табелата во Премиер – лигата. Диого Жота беше стрелец на првите два гола за „црвените“, а до крајот на првиот дел погоди и Тијаго. Во второто полувреме во листата се запиша и Вирџил ван Дајк.
Астон Вила игра одлично и победува под раководство на Стивен Џерард. Денеска славеше со 1-2 на гости против Кристал Палас. Тарџет и Мекгин беа стрелци на головите за тимот од Бирмингем, а Гуехи во финишот погоди за Кристал Палас.
Норич и Вулверхемптон ремизираа без голови.
