Луис Суарез и понатаму не може да му прости на Роналд Куман затоа што така лесно се откажа од него и не го задржа на „Камп Ноу“. Дури и откако ја освои титулата со Атлетико Мадрид, а и пред неколку дена му се сервираше одмазда на „Ванда Метрополитано“.
Уругваецот откри дека бил подготвен да направи се за да остане и да му помогне на клубот, но дека Хосеп Марија Бартомеу и Роналд Куман покажале големо непочитување кон се што направил за клубот.
„Би останал во Барселона под какви било услови. Бев подготвен да му помогнам на клубот на сите начини, реков дека сум подготвен да се согласам на значително намалување на платата доколку тоа го побараат од мене. Сепак, тие одлучија да ме избркаат. Телефонскиот разговор во кој Роналд Куман ми рече дека повеќе не ме сака во Барселона, траеше помалку од 40 секунди. Тоа не е начинот на кој отпуштате некого. Куман беше прилично нејасен за многу работи. Ми рече дека не сум во неговите планови “, рече Суарез и продолжи:
„Она што најмногу ми пречи е што Куман немаше храброст да каже дека ми треба во тимот, бидејќи ми рече само неколку дена пред тој повик да смета на мене. Тогаш Бартомеу одеднаш ми се јави и ми рече дека повеќе не сум во плановите на тренерот. Веднаш потоа го повикав Меси да му кажам што ми прават. Беше неописливо тешко. Зад нас беше кошмарна сезона, Лео дури сакаше да си замине, а потоа му го направија сето тоа. Беше страшно за нашите семејства“, откри Суарез.
Суарез со Атлетико Мадрид во саботата ја победи Барселона со 2-0.
