Лајпциг одигра фантастичен меч против Херта и славеше со 6-0, потсетувајќи дека сепак е тоа одличен тим кој не стартуваше најдобро во новата сезона од Бундес- лигата. Нкунку, Полсен и Мукиеле погодија во првото полувреме, а Форсберг, повторно Нкунку и Хаидара стрелаа во вториот дел од овој меч.
Баер Леверкузен минимално го победи Мајнс со 1-0, со голот на Флориан Вирц, а Хофенхајм беше подобар од Волфсбург со 3-1. Унион Берлин минимално триумфираше против Арминија Билефелд, а Ајнтрахт Франкфурт и Келн ремизираа 1-1.
