Португалскиот интернационалец Жоао Феликс доби два меча суспензија за црвениот картон што го доби на натпреварот против Атлетик Билбао во Ла Лига. 21-годишниот напаѓач беше исклучен откако се налути за арбитражата на Хил Манцано и мина релативно добро со казната, со оглед дека суспензијата можеше да биде дури и до 12 натпревари.
Жоао Феликс ќе паузира еден меч поради вториот жолт картон, и уште еден поради намерно удирање на топката кон трибините кога беше исклучен.
Португалецот ќе го пропушти денешниот натпревар против Хетафе, како и саботниот дуел против Алавес.
