Борусија Дортмунд оствари голем триумф (3-4) на гости против Баер Леверкузен. Во голеадата повторно блескаше Ерлинг Халанд кој беше стрелец на два гола, меѓу кои и победничкиот од пенал во 75.минута. За „милионерите“ стрелаа и Џулијан Брант и Рафаел Гереиро, а Вирц, Шик и Дијаби погодија за Баер Леверкузен.
Волфсбург славеше на гости против Гројтер Фурт со 0-2, со головите на Нмеча и на Вегорст. Мајнц исто така триумфираше на гости против Хофенхајм, а Фрајбург и Келн ремизираа 1-1. Немаше голови на дуелот меѓу Унион Берлин и Аугсбург.
