Португалскиот интернационалец Рубен Дијас потпиша нов шестгодишен договор со Манчестер Сити. Тој ќе остане на „Итихад“ до 2027 година.
Дефанзивецот минатото лето дојде од Бенфика и блесна во полн сјај, имаше фантастична сезона и ги освои наградите за најдобар дефанзивец во Премиер – лигата и во Лигата на шампионите.
„Уживав секоја минута од ланската сезона во дресот на Манчестер Сити. Среќен сум што се согласивме за нова долгорочна соработка и верувам дека заедно ќе освоиме уште многу трофеи“, изјави Рубен Дијас по потпишувањето на новиот договор со „граѓаните“.
