Диего Симеоне и Атлетико Мадрид се уште се активни на трансфер пазарот и интензивно работат на доведување нов напаѓач.
Српскиот голгетер Душан Влаховиќ од Фиорентина се покажа како прескапо решение, но „Ел Чоло“ најде замена, а тоа е бразилскиот напаѓач Матеус Куња.
Влаховиќ беше голема желба на аргентинскиот стручњак, но во Фиорентина ги отфрлија сите понуди на Атлетико и одлучија да го задржат 21-годишниот Србин. Симеоне на крајот најде друга опција и далеку поевтина, па Куња од Херта ќе потпише за 30 милиони евра.
Постигнат е договор и 22-годишниот напаѓач наскоро и официјално ќе биде претставен како нов член на шпанскиот шампион. Тој дојде од Лајпциг минатата зима во Херта, претходно играше во Швајцарија за Сион.
