Англискиот премиерлигаш Ливерпул е заинтересиран за напаѓачот на Лил, Џонатан Дејвид, пренесуваат медиумите на Островот. Менаџерот Јирген Клоп сака да го има канадскиот интернационалец на „Енфилд Роуд“ и подготвен е да испрати официјална понуда.
Лил минатата сезона направи сензација и ја освои титулата во Франција во конкуренција на ПСЖ, но има сериозни финансиски проблеми и веќе ги продаде Мањан и Сумаре, па сака да ги слушне и понудите за Дејвид.
Ливерпул ја следи ситуацијата и најавува дека набрзо ќе отпочне преговори за евентуален ангажман на напаѓачот.
