Џака се договори со Арсенал, останува до 2025 година

Швајцарскиот репрезентативец Гранит Џака се договори за продолжување на соработката со Арсенал. Тој ќе потпише договор со „топчиите“ до летото 2025 година со зголемување на платата. Актуелниот договор на играчот за врска важи до 2023 година.

Џака ова лето беше блиску до трансфер во Рома, но клубовите не можеа да се договорат за сумата. На крајот Арсенал одлучи да го задржи. Минатата сезона Гранит Џака настапи на 45 натпревари за Арсенал во сите натпреварувања и постигна еден гол.