Македонскиот фудбалски репрезентативец Милан Ристовски повторно е фудбалер на Спартак Трнава. Овојпат словачкиот клуб го откупи од Ријека, откако одличниот напаѓач прикажа квалитетни игри на шестмесечната позајмица.
Милан Ристовски е среќен што се враќа во Спартак Трнава.
„Сакам да се заблагодарам на мојот поранешен клуб Ријека. Поминав четири години таму и без Ријека, веројатно не би бил тука, каде што сум денес. Сега е време за промена и морам да кажам дека сум среќен што двата клуба. Со нетрпение ја чекам новата сезона, гладен сум за успеси и се надевам дека ќе имаме одлични натпревари и ќе уживаме заедно со навивачите на трибините“, изјави Милан Ристовски.
