Фудбалската репрезентација на Италија заработи 34 милиони евра за освојување на титулата на Европското првенство. „Аѕурите“ покажаа најмногу на шампионатот, го освоија пехарот и дојдоа до најголемата финансиска награда.
Англија заработи 30,25 милиони евра откако загуби по изведување пенали во финалето на „Вембли“.
УЕФА распредели рекорден награден фонд од 371 милиони евра на шампионатот, при што секоја од 24 учесници, меѓу кои и Македонија, добива загарантиран бонус од 9,25 милиони евра, како и дополнителни бонуси за победи и нерешени резултати во групната фаза и за пласман во секоја од елиминациските рунди.
