Џанлуиџи Донарума – МВП на Европското првенство

Голманот на европскиот шампион Италија, Џанлуиџи Донарума, е избран за најкорисен играч на ЕВРО 2020. Во драматичното финале, тој успеа да одбрани два пенали и стана херој откако „аѕурите“ на пенали ја совладаа Англија на „Вембли“. Тоа е втор европски трофеј за Италија во историјата, а Донарума беше одличен во текот на целиот шампионат.

Неверојатен е податокот дека Џанлуиџи Донарума никогаш во кариерата нема загубено во пенал – серија. Тој уште еднаш потврди дека е специјалист за одбрана на удари од белата точка.