Веста што се чекаше повеќе од една година пристигна од Англија – стадионите ќе бидат целосно отворени во новата сезона! Ова го потврди премиерот Борис Џонсон, со одобрение на Министерството за здравство во Велика Британија.
Според најавата, сите спортски настани, односно стадионите, ќе бидат отворени за целосни капацитети од 19 јули. Тоа значи дека во новата сезона од Премиер лигата, ќе ги гледаме сите натпревари со неограничен број навивачи, а фудбалот конечно повторно ќе има смисла.
